കനല്‍

നമുക്കെന്താണ് തിന്നാന്‍ കഴിയുക.....?

2010-07-03T23:17:00.000-07:00

വയനാട്ടില്‍ ആനകള്‍ കാട്ടില്‍ നിന്നും മഴക്കാലത്ത് നാട്ടിലേക്ക് ഇറങ്ങി വരാറുണ്ട്. ഇടതൂര്‍ന്ന് വലിയ മരങ്ങളുള്ള കാട്ടില്‍ മഴയും കാറ്റും ഇടിയും മിന്നലുമുണ്ടാവുമ്പോള്‍ വന്മരങ്ങള്‍ പിഴുതു വീണു ആനകള്‍ ചത്തു പോവാറുണ്ടായിരുന്നു. ഇതു ഭയന്നാണ് ആനകള്‍ മഴക്കാലത്ത് കൂട്ടത്തോടെ നാട്ടിലേക്ക് വരുന്നതത്രെ. നല്ല പച്ചപ്പ് വാഴുന്ന സമയത്ത് ആനകള്‍ വയനാട്ടിലെ വാഴകൃഷിയിടങ്ങളിലേക്ക് വരുന്നു. ആനകള്‍ ആദ്യകാലങ്ങളില്‍ നാട്ടിലിറങ്ങിയാല്‍ വാഴയുടെ തണ്ട് കടിച്ച് തിന്നുകയാണ് പതിവ്. ആന കയറിയ വാഴത്തോട്ടത്തില്‍ നിന്നും വാഴക്കുല കൊത്തിയെടുത്ത് കര്‍ഷകര്‍ നഷ്ടം നികത്തുമായിരുന്നു. ഇന്ന് ആന കയറിയാല്‍ തണ്ട് തിന്നാതെ വാഴക്കുലയാണ് തിന്നുന്നത്.

വാഴ നടുമ്പോള്‍ കന്നിന്റെ കൂടെ മരണത്തിന്റെ നീലനിറമുള്ള ഫ്യൂറിഡാന്‍ വിതറുന്നു. വാഴ വളരുമ്പോള്‍ വാഴയുടെ കവിളുകളില്‍ ഫയൂറിഡാന്‍ ഇട്ട് കൊടുക്കുന്നു. പിന്നെ വാഴക്കുലക്ക് തൂക്കവും വണ്ണവും കിട്ടുവാന്‍ കൂമ്പ് വെട്ടിമാറ്റി അമോണിയ വെച്ചു കെട്ടുന്നു. വാഴത്തണ്ടില്‍ ഫ്യൂറിഡാന്‍ വിഷം നിറഞ്ഞുനില്‍ക്കുന്നത് കൊണ്ട് വിഷം തിരിച്ചറിഞ്ഞ ആന വാഴത്തണ്ട് തിന്നാതെ കുലകള്‍ തിന്നുന്നുവത്രെ.

പാവലിന്റെ മേല്‍ ഈച്ച കുത്തിയാല്‍ മഞ്ഞ നിറമാകും. പാവല്‍ കണ്ടങ്ങളില്‍ എക്കാലക്സും, ഫ്യൂറിഡാനും വെള്ളത്തില്‍ കൂട്ടിക്കുഴച്ച് പലയിടങ്ങളില്‍ വെച്ചും ഈച്ചകളെ ആകര്‍ഷിച്ച് കൊല്ലുകയാണ് പതിവുരീതി. തേയില, കാപ്പി, ഏലം തോട്ടങ്ങളില്‍ എന്‍ഡോസള്‍ഫാനും എക്കാലക്സും, ഫ്യൂറിഡാനും തളിക്കുന്നുണ്ട്. ഫോറേറ്റ്, തിമറ്റ്, റൌണ്ടപ്പ് എന്നിവയും കൂടെയുണ്ട്. ഇവ തോടുകളിലും കിണറുകളിലും എത്തി തോട്ടം മേഖലകളില്‍ കാന്‍സര്‍ രോഗികളൂടെ എണ്ണം ക്രമാതീതമായി വര്‍ധിച്ചിട്ടുണ്ടെന്ന് പഠനങ്ങള്‍ സൂചിപ്പിക്കുന്നു. ഇന്ത്യയില്‍ ഇത്തരം വിഷക്കൂട്ടുകള്‍ തൊണ്ണൂറായിരം ലിറ്റര്‍ ഉപയോഗിക്കുന്നുണ്ടത്രേ!

മാരകമായ കീടനാശിനികള്‍ . ഔഷധങ്ങള്‍, പെയിന്റുകള്‍, റേഡിയോ ആക്റ്റീവുള്ള മാലിന്യങ്ങള്‍ എന്നിവ മനുഷ്യനും പ്രകൃതിക്കും അപകടകരമായതിനാല്‍ വിദേശ നാടുകളില്‍ നിരോധിച്ചതാണെങ്കിലും നമ്മുടെ നാട്ടിലെ കടകളില്‍ സുലഭമാണ്. ഡി.ഡി.ടി നിരോധിച്ചിട്ട് കാലമെത്രയായി! ബാരല്‍ഗാന്‍, ബ്രൂ ഫന്‍ മുതലായ മാരക കീടനാശിനികള്‍ വിദേശ നാടുകളില്‍ നിരോധിച്ചിട്ടുണ്ടത്രേ. ഇരുപത് കോടിയുടെ മാരകമായ മരുന്നുകളും തൊണ്ണൂറ്റെട്ടായിരം ടണ്‍ കീടനാശിനികളും ഇന്ത്യയില്‍ ഓരോ വര്‍ഷവും വിറ്റഴിക്കുന്നുണ്ടത്രേ. കീടനാശി നി വഴി പത്തായിരം പേര്‍ മരിക്കുന്നുവെന്നാണ് കണക്ക്. എല്ലാ ഭക്ഷണസാധങ്ങളിലും മൂന്നിലൊന്ന് വിഷമുണ്ടെന്ന് പഠനം വ്യക്തമാക്കുന്നുണ്ട്. വിവേചനരഹി തമായി ഉപയോഗിക്കുന്ന കീടനാശിനി കൊണ്ടുള്ള മുക്കാല്‍ പ്രശ്നവും ഇന്ത്യയിലാണ്.

പാക്കറ്റിലാകിയതൊക്കെ മികച്ചതും ഗുണമുള്ളതുമാണെന്ന് കരുതാന്‍ മലയാളിയെ പഠിപ്പിച്ച ശേഷമാണ് പാക്കറ്റ് സംസ്ക്കാരം കേരളത്തില്‍ വേരൂന്നിയത്. പെപ്സി. കോള എന്നീ ബഹുരാഷ്ട്ര കുത്തക കമ്പനികളുടെ ശീതള്‍ പാനീയങ്ങളില്‍ കാന്‍സറും ജനിതക വൈകല്യമുണ്ടാക്കുന്ന കീടനാശിനിയുണ്ടെന്ന് ഡൗണ്‍ ടു എര്‍ത്ത് എന്ന പ്രമുഖ ശാസ്ത്ര പരിസ്ഥിതി മാസികയുടെ പ്രസാധകരായ ദല്‍ഹിയിലെ സി.എസ്.ഇ നടത്തിയ പരിശോധനയിലാണ് ആദ്യമായി കണ്ടെത്തിയത്. മിറിന്‍ഡയില്‍ അനുവദനീയമായ കീടനാശനിയേക്കാള്‍ എഴുപതു മടങ്ങ് അധികവും, കൊക്കക്കോളയില്‍ നാല്പത്തിരണ്ട് മടങ്ങും, സെവനപ്പില്‍ മുപ്പത്തി മൂന്നു മടങ്ങും, പെപ്സിയില്‍ മുപ്പത്തിഏഴും, തംസ് അപ്പില്‍ ഇരുപത്തിരണ്ട് മടങ്ങും കീടനാശിനിയുമുണ്ടെന്നാണ് തെളിഞ്ഞത്. എന്നിട്ടും ഇതൊക്കെ നമ്മുടെ മാര്‍ക്കറ്റില്‍ സുലഭമാണ്. ഇതു വഴി ജനിതക മസ്തിഷ്ക രോഗങ്ങള്‍, കാന്‍സര്‍, പ്രതിരോധ ശേഷിയില്ലായ്മ എന്നിവ ഉണ്ടാവുന്നു. ചില പകര്‍ച്ച വ്യാധികള്‍ തിരിച്ച് വരുന്നുണ്ടെന്നാണ് പഠനങ്ങള്‍ റിപ്പോര്‍ട്ട് ചെയ്യുന്നത്. തമിഴ് നാട്ടില്‍ നിന്നും വരുന്ന പച്ചക്കറിയില്‍ കീടനാശിനിയൂടെ അളവ് അപകടകരമാം വിധം കൂടിയിരിക്കയാണെന്ന് കോയമ്പത്തൂര്‍ സര്‍ വ്വകലാ ശാലയുടെ പഠനം വെളിപ്പെടുത്തുന്നു.

സംസ്ഥാനത്ത് എത്തുന്ന മുന്തിരിയില്‍ പന്ത്രണ്ട് പി പി എം വരെ മാരക കീടനാശിനിയായ ലിന്‍ഡൈന്‍, നമ്മൂടെ മന്ത്രിമാരുടേയും രാഷ്ടീയ നേതാക്കന്മാരുടെ മേശപ്പൂറത്ത് പരസ്യം പോലെ വെക്കുന്ന കുപ്പി വെള്ളത്തില്‍ എന്‍ഡോസല്‍ഫാന്‍, മാലത്തിയോണ്‍, ഫോസ് മാസിഡോണ്‍, ക്ലോറിപ്പെറിപ്പോസ് എന്നിങ്ങനെ അനവധി കീടനാശിനികളടങ്ങിയിട്ടുണ്ടെന്ന് ലോകാരോഗ്യ സംഘടന വെളിപ്പെടുത്തുന്നു. മുളകുപൊടികളില്‍ തുണികള്‍ക്ക് നിറം പീടിപ്പിക്കാന്‍ ഉപയോഗിക്കുന്ന ഡൈയുടെ ഭാഗമായ സുഡാന്‍ ചേര്‍ക്കുന്നുണ്ട്. പരിപ്പില്‍ മെറ്റാനില്‍ മഞ്ഞ, പച്ച മാങ്ങ പഴുപ്പിക്കാന്‍ കാല്‍സ്യം കാര്‍ബൈഡ് എന്നിവയും ഉപയോഗിക്കുന്നുണ്ട്. ഉദര രോഗങ്ങള്‍ക്ക് വഴി വെക്കുന്ന മായം ചേര്‍ത്ത വെളിച്ചെണ്ണ, എണ്ണപ്പനക്കുരു ആട്ടിയെടുക്കുന്ന പാംകെര്‍ണ്ണല്‍ ഓയിലാണ് ഇതില്‍ ചേര്‍ക്കുന്നത്. ദിനം പ്രതി അമ്പത്തി അഞ്ച് ടണ്‍ ഈറോഡ് വഴി ഇവ കേരളത്തിലെത്തുന്നു. അയഡിന്‍ ചേര്‍ത്ത ഉപ്പില്‍ കുപ്പിച്ചില്ലുകളും , മണലും, പാറപ്പൊടിയും ചേര്‍ക്കുന്നുണ്ടത്രേ.

പാര്‍ലേയുടെയും ബ്രിട്ടാനിയുടേയും ബിസ്കറ്റ് കഴിചപ്പോള്‍ ചര്‍ദ്ദിയും വയറിളക്കവും, കാഡ്ബറീസിലും നെസ്ലേയിലും പുഴുക്കള്‍ ഉണ്ടെന്ന വാര്‍ത്തയും നമ്മള്‍ വായിച്ചിരിക്കും. ഇറച്ചിക്കോഴികള്‍ക്ക് മാര്‍ദ്ദവും തൂക്കവും കൂട്ടുവാന്‍ ഈസ്ടജന്‍ ഹോര്‍മോണ്‍ കൊടുക്കുന്നുണ്ട്. അവ സ്ഥിരമായി കഴിച്ചാല്‍ ലൈംഗിക ഹോര്‍മോണ്‍ പെട്ടന്ന് വളരും. ചെറുപ്പത്തില്‍ തന്നെ കുട്ടികള്‍ക്ക് അമിത വണ്ണവും തൂക്കവും ഉണ്ടാവും. ഗള്‍ഫില്‍ നിന്നും വരുന്ന കുട്ടികള്‍ അതൊനൊരുതാഹരണമാണ്. ഇത്തരം മാംസ്യാഹാരത്തെ പ്രൊമോട്ട് ചെയ്യുന്ന കെ എഫ് സി, മാക് ഡൊണാള്‍ഡ്സ്, ചിക്ക് കിങ്ങ് പോലുള്ള വമ്പന്‍ വിപണന സാധ്യതകള്‍ നമ്മുടെ നാട്ടിലും വന്നെത്തിക്കഴിഞ്ഞു. കീടനാശിനി കലര്‍ത്തിയിട്ടുള്ള പഴം പച്ചക്കറി മാംസ്യങ്ങള്‍ സംഭരിക്കുന്നതും വിപണനം നടത്തുന്നതും കേന്ദ്ര ഭക്ഷ്യ മായം ചേര്‍ക്കല്‍ നിരോധന നിയമം ആയിരത്തി തൊള്ളായിരത്തി അമ്പത്തിനാല് ന്റെ ലംഘനമാണ്. ആറ് മാസം വരെ കഠിന തടവു വരെ കിട്ടുന്ന ക്രിമിനല്‍ കുറ്റവുമാണ്.

രുചിഭേദങ്ങള്‍ മാറ്റിമറിച്ച് കൊണ്ടുള്ള ഫാസ്റ്റ് ഫുഡ് ഭക്ഷണ രീതി നമുക്കു രോഗങ്ങളും ആരോഗ്യ പ്രശ്നങ്ങളും ഉണ്ടാക്കുന്നുണ്ട്. കൃത്രിമമായി സ്വാദുണ്ടാക്കുന്ന മില്‍ക്ക്, സ്ട്റോബറി ഷേക്കുക്കളില്‍ നാല്പ്തിലതികം ഭക്ഷ്യയോഗ്യമല്ലാത്ത രാസ വസ്തുക്കള്‍ അടങ്ങിയിട്ടുണ്ടത്രെ. പഴകിയ മാംസങ്ങളില്‍ അജിനോമോട്ടോ ഉപയോഗിച്ചാല്‍ പുതിയ മാംസത്തിന്റെ രുചിയും സ്വാദും ലഭിക്കുന്നു. എല്ലാ ഫാസ്റ്റ് ഫുഡിലും സ്ഥിരമായി ഇത് ഉപയോഗിക്കുന്നുണ്ടത്രേ. ഭക്ഷണശീ ലങ്ങളില്‍ നാം കാര്യമായ മാറ്റങ്ങള്‍ വരുത്തിയില്ലെങ്കില്‍ ഒരു ജനതയുടെ തന്നെ ആരോഗ്യം അപകടത്തിലാകും.

http://saikatham.com/4-Malayalam-Essays-1.php

വിശുദ്ധപശു

2010-01-05T19:57:00.000-08:00

ശത്രു എപ്പോഴാണ് എന്റെ ചെരിപ്പടയാളത്തിനു മേല്‍ നിഴലായിത്തീരുന്നതെന്ന് എനിക്കറിയില്ലായിരുന്നു. പിറകിലിരുന്ന് ഞെരിഞ്ഞമരുന്ന ഉണക്കയിലകള്‍ മരച്ചില്ലകളുടെ എല്ലുകള്‍ പൊട്ടുന്നതും ചെരിപ്പിന്റെ കരച്ചിലും എന്റെ തല കൊയ്യുവാനുള്ള ഒളിപറച്ചിലുകളാണെന്ന് ആരും എന്നോടു പറഞ്ഞു തരേണ്ട. എനിക്കിപ്പോള്‍ എല്ലാം മനസ്സിലാക്കാനുള്ള പ്രായമായല്ലോ. എന്റെ ശ്വാസത്തിന്റെ പിറകില്‍ ആരോ പതുങ്ങിയിരിക്കുന്നുണ്ട്.
അല്ലെങ്കില്‍ത്തന്നെ ഒരാളുടെ ശത്രുവാകുകയെന്നുള്ളത് നല്ല കാര്യമല്ലെന്ന് എനിക്കറിയാം. അതു സഹിക്കാന്‍ പോലും കഴിയില്ല. എനിക്ക് എങ്ങനെയാണ് ഒരാളുടെ ശത്രൂവായിത്തീരാന്‍ കഴിയുകയെന്നത് കൂട്ടിയും ഗുണിച്ചും നോക്കിയിട്ട് കിട്ടിയത് വട്ടപ്പൂജ്യമായിരുന്നു. ഇന്നലെ വരെ ഞാന്‍ ഭൂമിയിലെ ഒരൊറ്റ ജീവിയെപ്പോലും കൊല്ലുകയോ അടിക്കുകയോ ചവിട്ടുകയോ ചീത്തപറയുകയോ ചെയ്തിട്ടില്ലെന്ന് അഹങ്കാരത്തോടെ പറയുമ്പോള്‍ ' സങ്കേതത്ത'ിലിരിക്കുന്ന സുഹൃത്തുക്കളൊക്കെ കളിയാക്കി ചിരിക്കുകയായിരുന്നു. ഞാനിങ്ങനെ പറഞ്ഞപ്പോള്‍ എല്ലാവരും എന്നെ അഭിനന്ദിക്കുമെന്നായിരുന്നു ഞാന്‍ കരുതിയത്. അവരിപ്പോഴുംചിരിച്ചു തീര്‍ന്നിട്ടില്ല.
'പേടിത്തൊണ്ടന്‍'
വിശ്വന്‍ സിഗരറ്റ് കത്തിക്കുന്നതിനിടയിലാണ് പറഞ്ഞത്. മുഹമ്മദ് സലിം കുരവയിടുന്നുണ്ടായിരുന്നു. ഞാന്‍ അപ്പോള്‍ വേറൊന്നും പറഞ്ഞില്ല. എനിക്കിപ്പോള്‍ വല്ലാത്ത പേടിയുണ്ട്. എന്നെ ശത്രുവായി ആരോ തിരഞ്ഞെടുത്തുവെന്ന കാര്യം ബന്ധുക്കളോടും സ്ഥലത്തെ മാന്യന്മാരോടും പറഞ്ഞപ്പോള്‍ അവരൊക്കെ അതിനെ എന്റെ വിഭ്രാന്തിമാത്രമായിട്ടാണ് കണ്ടത്.
'ഹേയ് നിങ്ങള്‍ക്കങ്ങനെ തോന്നിയതാണ്. ഈ തോന്നലാണ് എല്ലാ കുഴപ്പങ്ങള്‍ക്കും കാരണം. അതൊക്കെ ഉത്തര്‍ പ്രദേശത്തും ബീഹാറിലും ഗുജറാത്തിലുമാണ് സംഭവിക്കുക.'
അവര്‍ ഇതൊക്കെ എന്റെ പുറത്ത് തട്ടിയാണ് പറഞ്ഞത്. ചിലര്‍ കുറേ ചോദ്യങ്ങള്‍ ചോദിച്ചു.
ഉത്തരം മാത്രം ആരും പറഞ്ഞില്ല.
കുഴയുന്ന ചോദ്യങ്ങളുടെ മുകളിലിരുന്ന് അവര്‍ കൈകൊട്ടി ചിരിക്കുകയാണല്ലോ
ഓ പറയാന്‍ മറന്നു.
ഇന്നലെ. അതേ ഇന്നലെത്തന്നെ ഞാനൊരു പാമ്പിനെ കൊന്നു. ഒരു ജീവിയെപ്പോലും കൊല്ലാന്‍ കഴിയാത്ത എനിക്ക് എങ്ങെനയാണ് അതിന് സാധിച്ചതെന്നറിയില്ല. നിങ്ങളുടെയും അകത്ത് ദുഷ്ടതയുണ്ടെന്നും പറയുന്നതൊക്കെ പുറംപൂച്ചുകളാണെന്നും ഭാര്യ എന്നോടു പറഞ്ഞു. പാമ്പിനെ കൊന്നാല്‍ അതിന്റെ ബന്ധുക്കള്‍ പകരം വീട്ടാന്‍ പകയുമായി വരുമെന്ന് പറഞ്ഞു തന്നത് അമ്മയായിരുന്നു.
' അല്ലെങ്കില്‍ നിങ്ങള്‍ക്കെങ്ങനെയാണ് ഒരു പാമ്പിനെ കൊല്ലാന്‍ കഴിഞ്ഞത്'
മാസ്റ്റര്‍ എന്നോടു ഇടവഴിയില്‍വച്ചു കണ്ടപ്പോള്‍ ചോദിച്ചു.
' അല്ല മാഷേ....എ്‌ന്നെ കൊല്ലുവാന്‍ പ്ത്തി വിടര്‍ത്തി നിന്നപ്പോഴാണ് ഞാന്‍....കുറേ കഴിഞ്ഞ് മാറുവാന്‍ ശ്രമിച്ചു. അവസാനം ഒരു മുട്ടന്‍വടിയെടുത്ത്.... '
' കണ്ണു കാണാത്ത ജീവിയാണത്. അതെപ്പോഴും ഓര്‍മിക്കണം. നിങ്ങള്‍ക്കൊരു കുഴപ്പമുണ്ട്. സത്യം പറയുന്നു. പാമ്പിനെക്കൊന്നാലും കൊന്നില്ലെന്ന് പറയണം' മാസ്റ്റര്‍ പറഞ്ഞു.
അരയില്‍ നിന്നും മൂര്‍ച്ചയുള്ള കത്തിയെടുത്ത് മാസ്റ്റര്‍ എന്റെ കഴുത്തില്‍ അമര്‍്ത്തിവെക്കാന്‍ ഒരുങ്ങുന്ന നേരത്താണ് ആളുകളുടെ കൂക്കിവിളി കേട്ടത്.
ഞാന്‍ ആശ്വസിച്ചു.
' ഇതാ മാഷേ സ്‌നേഹം...എന്റെ നാട്ടുകാരെ കണ്ടു പഠിക്ക്'
ദൂരെ നിന്ന് ഓടിവന്നതു കൊണ്ട് എല്ലാവരും കിതയ്ക്കുന്നുണ്ടായിരുന്നു. ഞാന്‍ എല്ലാവരേയും സ്‌നേഹത്തോടോ നോക്കിച്ചിരിച്ചു. മാസ്റ്ററുടെ കയ്യിലുള്ള കത്തി അവരൊരാള്‍ വാങ്ങിക്കൊണ്ടു പറഞ്ഞു.' മാഷേ നിങ്ങള്‍ കൊല്ലേണ്ട... മാഷ് കൊന്നാല് ഇക്കാര്യങ്ങളൊക്കെ പഠിപ്പിക്കാന്‍ ആരാ ഉള്ളത്?'. അവരെല്ലാം ജനഗണമന ചൊല്ലുമ്പോലെ പറഞ്ഞു. ഞാന്‍ ദൈവത്തിനെ വിളിച്ചു.
അവരും.!

കത്തി

2009-12-05T06:38:00.000-08:00

മച്ചകത്തിലെ ഇരുട്ടില്‍ ഒളിച്ചു പാര്‍ത്തിരുന്ന പിതാമഹന്റെ കത്തിയെ പൂവന്‍കോഴിയെ പിടിക്കുന്ന കൗശലത്തോടെ പരക്കം പാഞ്ഞ്‌ മുറുക്കിപ്പിടിച്ച്‌ കരയുന്ന മരയേണിപ്പടികള്‍ ധൃതിയില്‍ കിതച്ചിറങ്ങുന്ന നേരത്താണ്‌ മുറ്റവാതിലിന്റെ പുറത്ത്‌ മുട്ടി ചെറുപ്പക്കാരന്‍ ചോദിച്ചത്‌.
` കത്തി മൂര്‍ച്ചയാക്കാനുണ്ടോ?

`കുതറിയോടാന്‍ ശ്രമിക്കുന്ന കത്തി മുറുക്കിപ്പിടിച്ച്‌ മുന്‍വാതില്‍ തുറന്ന്‌ പിടിക്കുന്ന കത്തി ചെറുപ്പക്കാരന്റെ കയ്യില്‍ കൊടുത്തശേഷം ഗാവീസ്‌ പറഞ്ഞു:

` വന്നത്‌ നന്നായി, ഇപ്പളാ കിട്ടിയത്‌`

എല്ലാം അറിയുന്നവനെപ്പോലെ ചെറുപ്പക്കാരന്‍ ചിരിക്കുക മാത്രം ചെയ്‌തു. പെഡലില്‍ ആഞ്ഞു ചവുട്ടി മെയ്‌ വഴക്കമാക്കിയ ശേഷം കറുത്ത അരക്കല്ലില്‍ കത്തി ഒന്ന്‌ തൊട്ടമര്‍ത്തിയപ്പോള്‍തന്നെ സീല്‍ക്കാരത്തിന്റെ തീമഴയുണ്ടാകുന്നത്‌ കണ്ടപ്പോള്‍ ഗാവീസിന്‌ സന്തോഷം അടക്കാനായില്ല.

` നല്ല മൂര്‍ച്ചയുണ്ട്‌. ഒരൊറ്റ വീശലിന്‌`

ബാക്കി മുഴുമിപ്പിക്കാതെ ഗാവീസിനെ നോക്കി ചെറുപ്പക്കാരന്‍ ഹഹഹ ഒന്ന്‌ ഒച്ചയുണ്ടാക്കിച്ചിരിച്ചു. സര്‍പ്പത്തിന്റെ നാവ്‌ തൊടുന്നവന്റെ ജാഗ്രതയോടെ, കത്തിയുടെ മൂര്‍ച്ച നോക്കിയ തൊട്ടയുടനെ ചെറുപ്പക്കാരന്റെ വിരല്‍ മുറിഞ്ഞ്‌ ചോരയൊഴുകുവാന്‍ തുടങ്ങി. ചോരനക്കി രുചിക്കുന്നതിനിടയില്‍ ചോരയ്‌ക്ക്‌ നല്ല സ്വാദുണ്ടെന്ന്‌ ഗാവീസിനോട്‌ അയാള്‍ പറഞ്ഞു.അപ്പോള്‍ ചെറുപ്പക്കാരന്റെ വായ്‌ക്കകം ചോര നിറഞ്ഞിരുന്നു. അവന്റെ ചിരി ചോരയുടെ ചിരിയാണെന്ന്‌ ഗിവീസിന്‌ തോന്നി.മൂര്‍ച്ചയാക്കപ്പെട്ട കത്തി ചെറുപ്പക്കാരന്‍ ഗാവീസിനു നേരെ നീട്ടി. അതില്‍ സൂര്യരശ്‌മി പതിച്ചപ്പോള്‍ ഗാവീസിന്റെ മുഖം കത്തിയില്‍ തിളങ്ങി. കത്തിയില്‍ നിന്നും പുറപ്പെട്ട രശ്‌മി ഗാവീസിന്റെ മുഖത്ത്‌ മാത്രമല്ല, തൊട്ടയല്‍പ്പക്കങ്ങളിലേക്കുമെത്തി. രശ്‌മിയുടെ മൂര്‍ച്ചയേറ്റിറ്റെന്ന വണ്ണം തൊട്ടടുത്ത വീടുകളിലെ ജാലകങ്ങള്‍ പൊടുന്നനെ അടഞ്ഞു. കത്തിയുടെ തിളക്കം ഓടിക്കളിക്കുമ്പോള്‍ പോറ്റുനായയുടെ കുസൃതി ആസ്വദിക്കുന്നവന്റെ സന്തോഷം ചെറുപ്പക്കാരന്റെ മുഖത്ത്‌ കളിയാടി. പൊടുന്നനെ വിശന്ന സിംഹത്തെപ്പോലെ ചെറുപ്പക്കാരന്‍ അലറാന്‍ തുടങ്ങി. അതുകണ്ടപ്പോള്‍ ഗാവീസിന്റെ പെരുവിരലില്‍ നിന്നും വിറ പെറുത്തുകയറി. അവന്‍ കാറ്റുപിടിച്ച മുളന്തണ്ടു പോലെ ഉലയാന്‍ തുടങ്ങി.അപ്പോഴാണ്‌ പിറകില്‍ നിന്നും മകളുടെ പതിഞ്ഞ ശബ്ദത്തിലുള്ള ശബ്ദം കേട്ടത്‌.

` എന്തിനാണിപ്പോള്‍ കത്തി മൂര്‍ച്ചയാക്കുന്നത്‌?`
` കത്തിമൂര്‍ച്ചയാക്കാന്‍ ആരെങ്കിലും നേരവും കാലവും നോക്കുമോ...ഒരു കത്തി കിട്ടി. അത്‌ മൂര്‍ച്ചയാക്കുന്നു. അത്രതന്നെ..`

ഭുമിയിലേക്ക്‌ തലകുനിച്ചാണ്‌ ഗാവീസ്‌ അത്രയും പറഞ്ഞത്‌. എന്തൊക്കെയോ തെറ്റുകള്‍ കാല്‍വിരലുകള്‍ക്കിടയിലൂടെ വൃത്തിക്കെട്ട ഭൂമിയില്‍ നിന്നും അരിച്ചു കയറുന്നുണ്ടെന്ന്‌ തോന്നി. അടുത്ത നിമിഷത്തില്‍ അതെല്ലാം തോന്നലാണെന്നും മനസ്സു പറഞ്ഞു.` ഒന്നുമറിയാത്ത മരപ്പൊട്ടനായി അഭിനയിക്കരുതെന്റെ പിതാവേ. മറ്റുള്ളോരുടെ മനസ്സില്‍ സ്‌നേഹവും സമാധാനവും വിതക്കണമെന്ന്‌ പറയുന്ന പിതാവാണിപ്പോള്‍ മറ്റുള്ളവരുടെ വീട്ടിനുള്ളിലേക്ക്‌ മൂര്‍ച്ചയുടെ തിളക്കം....

`ബാക്കി പറയാനാകാതെ മകള്‍ക്ക്‌ ശ്വാസം മുട്ടി.

` ആയുധമുണ്ടെങ്കിലേ ഇക്കാലത്ത്‌ ജീവിക്കാനാകൂ കുട്ടീ..`

ഗാവീസിന്റെയും മകളുടെയും വേവലാതിയുടെയും വീര്‍പ്പുമുട്ടലിന്റെയും വേദനയുടെയും ഇടയിലേക്ക്‌ ചെറുപ്പക്കാരന്‍ കയറി വന്നത്‌ ഗാവീസിന്‌ ഇഷ്ടമായില്ല. ` ആയുധം`ചെറുപ്പക്കാരന്‍ പറഞ്ഞ ആയുധമെന്ന വാക്ക്‌ ഒരുപാടു തവണ പിറുപിറുക്കലായി ഗാവീസ്‌ പറഞ്ഞു കൊണ്ടേയിരുന്നു. ഗാവീസിന്‌ സ്വസ്ഥത കെട്ടു.` കത്തി എപ്പോഴാണ്‌ സുഹൃത്തേ ആയുധമായത്‌?` സങ്കടത്തോടെ ചെറുപ്പക്കാരനോട്‌ അയാള്‍ ചോദിച്ചു.` എത്രയ്‌ാ പൈസ`` എന്തെങ്കിലും തന്നാമതി`മുറിയില്‍ നിന്നും വെള്ളിക്കാശ്‌ എടുക്കുന്ന നേരത്ത്‌ മകള്‍ പിറകില്‍ നിന്നുംു മുറുമുറുത്തു.` ഒറ്റുകാരന്റെ വെള്ളിക്കാശ്‌`` കത്തി മൂര്‍ച്ചയാക്കുന്നതിനാ മോളേ ഇത്ര വേവലാതിപ്പെടുന്നത്‌`?` കത്തി ആയുധമാണെന്ന്‌ മൂര്‍ച്ചയാക്കുന്നയാള്‍ പറഞ്ഞത്‌ നിങ്ങള്‍ കേട്ടതല്ലേ?`അവളാണ്‌ ഉത്തരം പറഞ്ഞത്‌.` നമുക്ക്‌ എന്തു സാധനം വേണമെങ്കിലും ആയുധമാക്കിയെടുക്കാം. മനസ്സാണ്‌ അത്‌ തീരുമാനിക്കേണ്ടത്‌. കത്തിയെക്കൊണ്ട്‌ ഉള്ളിയും മീനും പച്ചക്കറിയും മുറിക്കാം. വേണമെങ്കില്‍ മുമ്പിലിരിക്കുന്ന മോളെയും മുറിക്കാം.`അവളും മകളും പേടിച്ച കണ്ണുകളോടെ ഗാവീസിനെ നോക്കി. സാരിത്തലപ്പ്‌ വായില്‍ തിരുകി കയറ്റിവെച്ച ശേഷം അവള്‍ പൊട്ടിക്കരയുവാന്‍ തുടങ്ങി. മുഖം ചുവന്നിട്ടുണ്ട്‌.ഗാവീസിന്‌ സങ്കടമായി. ഒരു തമാശ പറഞ്ഞതാണ്‌. വാക്കുകളും അര്‍ഥങ്ങളും അനുയോജ്യമായിടത്ത്‌ തമാശ പറയണം. ചില സന്ദര്‍ഭങ്ങളില്‍ വാക്കുകള്‍ നമ്മുടെ പിടിയില്‍ നിന്നും വഴുതിമാറും. നമ്മളറിയാതെ.. അങ്ങനെയാണ്‌ സംഭവിച്ചത്‌. പക്ഷേ പറഞ്ഞിട്ട്‌ കാര്യമില്ലല്ലോ...പറഞ്ഞവാക്ക്‌ തിരിച്ചെടുക്കാനാവാത്ത കടമാണ്‌.അവളും മകളും ഇരുട്ടിലേക്ക്‌ കയറിപ്പോകുന്നത്‌ നിശബ്ദമാക്കപ്പെട്ട നോക്കുകുത്തിയെപ്പോലെ ഗാവീസ്‌ നോക്കി നിന്നു.
ചെറുപ്പക്കാരന്റെ തൊണ്ടയനക്കം കേട്ടപ്പോഴാണ്‌ ഗാവീസ്‌ ഉണര്‍ന്നത്‌.` ഒരു കാര്യം പറയാനുണ്ടായിരുന്നു`ഗാവീസിന്റെ തോളില്‍കൈ വെച്ച്‌ ചെറുപ്പക്കാരന്‍ മാവിന്‍ചുവട്ടിലേക്ക്‌ നടന്നു. നിങ്ങള്‍ പറയുന്നതൊന്നും കേള്‍ക്കാന്‍ സമയമില്ലെന്നും ഒറ്റുകാരന്റെ വെള്ളിക്കാശെടുത്ത്‌ നിങ്ങള്‍ക്ക്‌ പുരയുടെ പടിയിറങ്ങാമെന്നൊക്കെ ഗാവീസിന്‌ പറയണമെന്നുണ്ട്‌. കഴിയുന്നില്ല.വിധേയന്റെ വിധേയത്വം പോലെ ചെറുപ്പക്കാരന്റെ ശരീരത്തോടു ചേര്‍ന്ന്‌ ഗാവീസ്‌ നടന്നു. നില്‍ക്കുന്നയിടം വെളിച്ചമാണെങ്കിലും ഇരുട്ടിലാണ്‌ നില്‍ക്കുന്നതെന്ന്‌ ഓര്‍മ വേണം. ശരീരത്തിലാകമാനം ചെവികള്‍ തുന്നിപ്പിടിപ്പിക്കണം. മുന്നിലും പിന്നിലും കണ്ണുകള്‍ തുറന്നു വെയ്‌ക്കണം. കാലം നമ്മുടേതല്ല.ബാക്കി മുഴുമിപ്പിക്കാതെ ഗാവീസിന്റെ കണ്ണുകളിലേക്ക്‌ ചെറുപ്പക്കാരന്‍ കുറേ സമയം നോക്കിനിന്നു.കാലം നമ്മുടേതല്ലെങ്കില്‍ നമ്മുടേതാക്കണം. അതിനു വേണ്ടിത്തന്നെയാണ്‌...ഗാവീസിന്റെ ചുമലില്‍ ചെറുപ്പക്കാരന്‍ ഒന്നു തട്ടിയുണര്‍ത്തി.` നിങ്ങള്‌ അപ്പുറത്തെ പോളാരീസിന്റെ വീട്ടില്‌ പോകണം. അവിടെയുമുണ്ട്‌ പഴയനീളന്‍ കത്തി. ഞങ്ങളൊക്കെ അത്യാവശ്യത്തിന്‌ അവിടെ നിന്നാ കത്തിവാങ്ങുന്നത്‌. നിങ്ങള്‌ ആ കത്തിയും മൂര്‍ച്ചയാക്കിക്കൊടുക്കണം.`` ഇല്ല`ഇടിയുടെ മുഴക്കത്തോടെയാണ്‌ ചെറുപ്പക്കാരന്‍ പറഞ്ഞത്‌. ഈഭാഗത്ത്‌ നിങ്ങള്‍ക്ക്‌ മാത്രമേ ആയുധത്തിന്റെ ആവശ്യമുള്ളൂ. കത്തി ആയുധമാക്കുന്നവരുടെ അടുക്കളയിലാണെന്റെ പണി. ഇന്നാട്ടിലെ ദൗത്യം കഴിഞ്ഞു. ഇനി അടുത്ത ഊര്‌. അവിടെയും ഒരാളെക്കണ്ടെത്തി കത്തി ആയുധമാക്കിക്കൊടുക്കണം. അങ്ങനെ ഓരോ ഗ്രാമത്തിലും കയറിയിറങ്ങി ആയുധം വീണ്ടെടുത്ത്‌ ആയുധമെഴുത്തുകാരനാക്കണം. നിങ്ങള്‍ക്കിപ്പോള്‍ ഞാന്‍ പറയുന്നത്‌ മനസ്സിലായെന്ന്‌ വരില്ല. ഒരിക്കല്‍ ചുറ്റുപാടുകള്‍ വേട്ടയാടുമ്പോള്‍ ജീവനും പൊത്തിപ്പിടിച്ച്‌ നിലവിളിയോടെ പരക്കം പായുമ്പോള്‍ ഒരേ ഒരു നിമിഷം നിങ്ങളെന്റെ വാക്കുകള്‍ ഓര്‍ക്കും. ഉറപ്പ്‌. ചെറുപ്പക്കാരന്‍ ഭാണ്ഡക്കെട്ടുകള്‍ ചുമലിലേറ്റിക്കഴിഞ്ഞു. മറ്റേ തോളില്‍ ഒറ്റക്കാല്‍ സൈക്കിള്‍ കയറ്റിവെച്ച്‌ മൂരി നിവര്‍ന്ന്‌ പടിയിറങ്ങി പോകുന്നതും നോക്കി ഗാവീസ്‌ മുറ്റത്ത്‌ നിന്നു.അപ്പോഴും അപ്പുറത്തെ മച്ചകത്തില്‍ നിന്നും ആമത്തലയോടെ പോരാളീസും മക്കളും കെട്ടിയോളും ഗാവീസിന്റെ വീട്ടുമുറ്റത്തേക്ക്‌ എത്തിനോക്കുന്നുണ്ടായിരുന്നു.

ഇരുട്ട് പരക്കുന്ന വെയില്‍

2009-11-23T06:38:00.000-08:00

തട്ടുകടക്കാരാ....

മാലാഖയുടെ വിളിയൊച്ചയോടെ കുട്ടയുടെ മുകളില്‍ ഇരിക്കുന്ന മുട്ട തട്ടുകടക്കാരനെ വിളിച്ചു. "ഭൂമിയുടെ നിറം കണ്ട്‌ പച്ചപ്പിന്റെ ഉടല്‍ തൊട്ടറിഞ്ഞ്‌ ആകാശത്തിന്റെ ചിത്രം വരയല്‍ കണ്ട്‌ മഴയുടെ കുളിര്‍മയും പുഴയുടെ സംഗീതവും കടലിന്റെ മുരളിച്ചയും അറിയുന്ന ഭൂമിയെക്കുറിച്ച്‌ ഞാനും സ്വപ്‌നം കണ്ടിരുന്നു."

പക്ഷേ,ബാക്കി പറയാനാകാതെ മുട്ടക്ക്‌ ശ്വാസം മുട്ടി. കുറച്ചു സമയം കഴിഞ്ഞ്‌ വാക്കുകള്‍ വീണ്ടെടുത്ത്‌ മുട്ട തുടര്‍ന്നു...." ചങ്ങാതീ" തട്ടുകടക്കാരനെ നീട്ടിവിളിച്ചു" ഏതു ദശാസന്ധിയില്‍ വച്ചാണ്‌ മുട്ടയും മനുഷ്യനും തമ്മില്‍ പരിചയപ്പെട്ടതെന്നറിഞ്ഞുകൂടാ. പരിചയപ്പെട്ടില്ലായിരുന്നുവെങ്കില്‍ കാക്കയെപ്പോലെ പെറ്റുപെരുകി ജീവിക്കാമായിരുന്നു.ങ്‌ഹേ, ഇനി പറഞ്ഞിട്ടു കാര്യമില്ല.മുട്ട ഉറക്കെ കരഞ്ഞു.എന്തെങ്കിലും നല്ല വാക്കുകള്‍ പറഞ്ഞ്‌ മുട്ടയെ ആശ്വസിപ്പിക്കണമെന്ന്‌ തട്ടുകടക്കാരന്‌ തോന്നി.' ഓരോ ജീവിതത്തിനും ഓരോ നിയോഗമുണ്ട്‌ ചങ്ങാതീ. അണ്ണാന്റെ ശരീരത്തില്‍ വരച്ച വരപോലെ മായ്‌ക്കാന്‍ പറ്റാത്ത തലവരയാണത്‌."തട്ടുകടക്കാരന്‍ അങ്ങനെ പറഞ്ഞപ്പോള്‍ ദേഷ്യത്തോടെ മുട്ട മുരണ്ടു. മുട്ടയുടെ കണ്ണുകള്‍ തീ്‌ക്കട്ടയായി. 'മനുഷ്യന്മാര്‍ കണ്ടുപിടിച്ച സമവാക്യമല്ലാതെ എന്താണ്‌ നിങ്ങള്‍ക്ക്‌ പറയാനുള്ളത്‌. പുഴുങ്ങിയും കറിവെച്ചും പൊരിച്ചും ഭ്രൂണത്തെ ഇല്ലാതാക്കിയിട്ട്‌ നിങ്ങള്‍ക്കെന്താണ്‌ കിട്ടുന്നത്‌? ഭൂമിയിലാണെങ്കില്‍ തളിര്‍ക്കുന്നതും കിളിര്‍ക്കുന്നതുമായ ഇഷ്ടം പോലെ വിഭവങ്ങളുണ്ടല്ലോ, എ്‌ന്നിട്ടും....കുറച്ചു സമയം ഇരുവരും ഒന്നും സംസാരിച്ചില്ലതോടിന്റെ ഉള്ളിലേക്ക്‌ മുട്ടയുടെ ചുണ്ടുകള്‍ ഉള്‍വലിഞ്ഞു. മുട്ട സമാധിയായി.തട്ടുകടക്കാരന്‍ പുറത്തേക്ക്‌ നോക്കി. വെയില്‍ ചായുവാന്‍ തുടങ്ങിയിരിക്കുന്നു. ബേക്കറിയില്‍ നിന്നും വാങ്ങിയ റൊട്ടിക്കഷ്‌ണങ്ങള്‍ അലമാരിയില്‍ അടുക്കിവെച്ചു. അതിനു ശേഷം ഓംലെറ്റിനു വേണ്ടി ഉള്ളിമുറിച്ചു അപ്പോഴാണ്‌.തട്ടുകടക്കാരന്റെ കണ്ണുകളിലേക്ക്‌ ഒരു ചെറുപ്പക്കാരന്‍ ഇറങ്ങിവന്ന്‌ ഒരു ബുള്‍സൈ എന്നു പറഞ്ഞത്‌. ആദ്യകച്ചവടത്തിന്റെ പ്രാര്‍ഥനയോടെ കച്ചവടക്കാരന്‍ സ്‌റ്റൗവിന്റെ തിരിനീട്ടി തീ കൊളുത്തി. ചീനച്ചട്ടിയുടെ അകം തുടച്ചു. തീച്ചൂടിന്റെ മുകളില്‍ ചീനച്ചട്ടി വെച്ചു. മുട്ടക്കൂട്ടയില്‍ ഒന്നും ഒരു മുട്ടയെടുത്ത്‌ കൈവെള്ളയിലെ ആയുര്‍രേഖകളിലൂടെ ഉരുട്ടിക്കളിച്ച ശേഷം സ്‌റ്റീല്‍സ്‌പൂണനെടുത്ത്‌ ആകാശത്തിലേക്ക്‌ ഉയര്‍ത്തിത്താഴ്‌ത്തി. പതക്കുന്ന ചീനച്ചട്ടിയിലേക്ക്‌ തോട്‌ വിടര്‍ത്തി മുട്ട ഒഴിച്ചപ്പോള്‍ നിലവിളിക്കുന്ന ഒച്ച തട്ടുകടക്കാരന്‍ കേട്ടു.
അപ്പോള്‍ മുട്ട പറഞ്ഞ കാര്യം തട്ടുകടക്കാരന്‍ ഓര്‍മിച്ചു.മനസ്സില്‍ കനലെരിഞ്ഞു. തട്ടുകടക്കാരന്‌ പെട്ടെന്ന്‌ തളര്‍ച്ച തോന്നി. പിന്നീടയാള്‍ താന്‍ പാപി പാപി എന്ന്‌ പറഞ്ഞ്‌ നിലത്തിരുന്ന്‌ മണ്ണു വാരി തലയിടാന്‍ തുടങ്ങി.ബുള്‍സൈ കാത്തിരിക്കുന്ന ചെറുപ്പക്കാരനെ നോക്കി തട്ടുകടക്കാരന്‍ ഉറക്കെ ചിരിച്ചു.' എന്റെ ചങ്ങാതീ'ചെറുപ്പക്കാരന്റെ ചുമല്‍തൊട്ട്‌ അയാള്‍ പറഞ്ഞു:"നിങ്ങള്‍ തിന്നുവാന്‍ കാത്തിരിക്കുന്നത്‌ പിറക്കാതെപോയ കുഞ്ഞിന്റെ സ്വപ്‌നത്തെയാണ്‌. ആ മുട്ടയില്‍ കുഞ്ഞുണ്ടായിരുന്നു. കുഞ്ഞിന്‌ ഒരു സ്വപ്‌നമുണ്ടായിരുന്നു. ഭൂമിയുടെ നിറത്തെക്കുറിച്ച്‌ പറഞ്ഞ്‌ അവരന്യോന്യം തര്‍ക്കിച്ചിരുന്നു."ചെറുപ്പക്കാരന്റെ കണ്ണുകളിലേക്ക്‌ നോക്കി തട്ടുകടക്കാരന്‍ ചോദിച്ചു:" നമ്മുടെയൊക്കെ കുഞ്ഞിനെ ഇങ്ങനെ വറുത്ത്‌ തിന്നാന്‍ കഴിയുമോ?തട്ടുകടക്കാരന്റെ രൂപമാറ്റം കണ്ടപ്പോള്‍ ചെറുപ്പക്കാരന്‍ പേടിച്ചു. അയാള്‍ ഓടാന്‍ തുടങ്ങി. ഇതു കണ്ടപ്പോള്‍ തട്ടുകടക്കാരന്‍ ചിരിക്കാന്‍ തുടങ്ങി." ആ തീയൊന്നു കെടു്‌ത്തൂ. കുഞ്ഞ്‌ നിലവിളിക്കുന്നത്‌ നിങ്ങള്‍ കേള്‍ക്കുന്നില്ലേ?"മുട്ട അങ്ങനെ പറഞ്ഞപ്പോള്‍ ചീനച്ചട്ടിയുടെ അരികിലേക്ക്‌ തട്ടുകടക്കാരന്‍ ചെവി നീട്ടിവെച്ചു. കേള്‍ക്കുന്നുണ്ട്‌്‌. ഏങ്ങിയേങ്ങിയുള്ള ഒരു കരച്ചില്‍...തട്ടുകടക്കാരന്‍ വേഗത്തില്‍ തീകെടുത്തി. ചീനച്ചട്ടിയില്‍ പറ്റിപ്പിടിച്ച കുഞ്ഞിന്റെ മജ്ജയും മാംസവും മനസ്സും തലച്ചോറുമൊക്കെ ചുരണ്ടിയെടുത്ത്‌ മണ്‍പാത്രത്തിലാ്‌ക്കി. ആ മണ്‍പാത്രം ഉള്ളംകൈയ്യില്‍ ഭദ്രമാക്കിപ്പിടിച്ച്‌ നനഞ്ഞ മണ്ണിനടുത്തേക്ക്‌ മെല്ലെ നടന്നു. അയാള്‍ മണ്ണില്‍ കുഴി കുഴിച്ചു. അതില്‍ താന്‍ അടക്കിപ്പിടിച്ചത്‌ വളരെ ശ്രദ്ധയോടെ, ഒരു പ്രാര്‍ഥനപോലെ കുഴിയിലേക്ക്‌ ഇറക്കിവെച്ചു. ശേഷം അതിനു മുകളില്‍ മണ്ണുവിരിച്ച്‌ കൊച്ചു കല്ലുകള്‍ നിരത്തിവെച്ചു. പച്ചിലക്കമ്പ്‌ നട്ടു. ഒരു കുടംവെള്ളമൊഴിച്ചു.അപ്പോഴേക്കും തട്ടുകടക്കാരന്‍ തളര്‍ന്നിരുന്നു.തട്ടുകടയുടെ ഇരുഭാഗങ്ങളിലേക്കും കൈകള്‍ നിവര്‍ത്തിവെച്ച്‌ അയാള്‍ കിതച്ചു.അപ്പോള്‍ അയാളുടെ കൈകാളുകള്‍ തടിയന്‍ കൊമ്പുകളായി. കാല്‍വിരലുകള്‍ വേരുകളെന്നവണ്ണം ഭൂമിയിലേക്ക്‌ ആഴ്‌ന്നിറങ്ങി. തലയിലാകമാനം ആല്‍മരത്തിന്റെ ഇലകള്‍ മുളച്ചു.തട്ടുകടക്കാരന്റെ രൂപം കണ്ടപ്പോള്‍ മുട്ടയ്‌ക്ക്‌ ചിരിക്കാതിരിക്കാന്‍ കഴിഞ്ഞില്ല.മുട്ട ഉറക്കെ ചിരിച്ചുആല്‍മരവും....

കണ്ണൂരിലെ നരനായാട്ട്

2008-04-10T03:21:00.000-07:00

കണ്ണൂരില്‍ ചോരയുടെ മണം മാറിയിട്ടില്ല.രാഷ്ട്രീയ നേതാവ് എന്ന പദവി നില നിര്‍ത്തുവാന്‍ അണികളെ കുരുതി കൊടുക്കുന്ന ഇരുകാലി രാഷ്ട്രീയ ചെന്നായ്ക്കളുടെ സ്വാര്‍തഥഭൂമിയാണിത്.ഇവിടെ അറ്റ്വീഴുന്നത് സാധാരണ കുടുംബക്കാരുടെ അത്താണിയും സ്നേഹവുമാണ്.കുടുംബ കഷ്ട് നഷ്ട്ങ്ങളുടെ വേദനയും ദുരിതവുമ്രാഷ്ട്രീയ പാര്‍ട്ടികള്‍ പതാക പുതപ്പിക്കലിലും,വിലാപ യാത്രകളിലും,അനുസ്മരണങ്ങളിലും,പൊതു ദര്‍ശനങ്ങളിലുമ്പിന്നെ അവസാനം സ്തൂപങ്ങളിലും കുരുക്കിക്കിടത്തുന്നു.

വേട്ടനായ്ക്കളെപ്പൊലെ പോറ്റി വളര്‍ത്തി സംസ്കരിച്ചെടുത്ത രാഷ്ട്രീയ നരഭോജികളായ അണികളുമായി പോരിനിറങ്ങുന്ന അണികളുടെ ചെയ്തികളാണ് നാം തിരിച്ചറിയേന്ട്ത്.ബോംബുകളും,തലയുരുളലും,കുടല്‍മാല പറിച്ചെടുക്കലും,കടകള്‍ കത്തിച്ചും,സ്കോറുകളുടെ

എണ്ണം പെരുക്കി ജയിക്കുന്നത് തടിച്ചുരുണ്ട, കൊഴുത്ത രാഷ്ട്രീയകാര്‍ മാത്രമാണ്.തോല്‍ക്കുന്നതോ-മെലിഞ്ഞുണങ്ങി നിരാലംബരായ സാധാരണക്കാരനും.

മലയാള വാര്‍ത്ത,വായന-ഇംഗ്ലീഷ്കാരണ്ടെ ടൈ

2008-03-30T05:43:00.000-07:00

നല്ല ഭാഷയും വിവരവും,നല്ല സംസ്കാരവും,വേഷവും വെള്ളക്കാരണ്ടേതാണെന്ന കൊളൊണിയല്‍ ദാസ്യബോധത്തിണ്ടെ ഫലമാണു ടെലിവിഷനില്‍ മലയാള വാര്‍ത്ത വായിക്കുന്നവര്‍ ഇംഗ്ലീഷ്കാരണ്ടെ ടൈ കെട്ടുന്നത്.ബുഷിണ്ടെ ഭാര്യയായ ലോറ ബുഷ് കോട്ട് മാത്രം ധരിക്കുന്നത് കൊണ്ടായിരിക്കാം-മഹിളകള്‍ കോട്ട് മാത്രം ധരിക്കുന്നത്. വെള്ളക്കാരണ്ടെ വേഷം മികച്ച വേഷമാണെന്നും മലയാളിയുടെ വേഷം മലയാള ദിനത്തില്‍ കെട്ടുന്ന മിമിക്രി വേഷമാണെന്നും കരുതുന്ന രാഷ്ട്രീയക്കാര്‍ ഡല്‍ഹിയിലെത്തുമ്പോള്‍ മലയാളിയുടെ ലങ്കോട്ടി കഴുത്തിലണിയുന്നത് കാണാം.ലോകത്തിണ്ടെ എത് മാറ്റവും അതി വേഗതയില്‍ സ്വീകരിക്കുന്ന മലയാളി സായിപ്പുണ്ടാക്കുന്ന വികസനമാണു,വിദ്യാഭ്യാസമണ്,വേഷമാണ്,ഭക്ഷണമാണ്,ഉല്‍പ്പന്ന്മാണ്,മികച്ചതെന്നു കരുതുന്നത്.നമ്മുടെ ഭരണം പോലും സാപ്പിണ്ടെ കൈവെള്ളയില്‍ വെച്ച് കൊടുത്ത്,സായിപ്പ് തുമ്മിയാല്‍ കേരളം ഗതി പിടിക്കില്ലായെന്ന് കരുതുന്നവര്‍ അധികരിച്ച് വരും.ഇസ്തിരി ചുളിയുന്നതും വിയര്‍പ്പ് ഉരുക്കുന്നതുമായ ജോലികള്‍ തമിഴനും,ബംഗ്ലിക്കും,ഒറീസ്സക്കരനും നല്‍കി മള്‍ട്ടി നാഷണല്‍ കമ്പനികാരണ്ടെ തുച്ച്പ്പണി എടുക്കുന്ന മലയാളി ടൈ കെട്ടി മലയാള വാര്‍‍ത്ത വായിക്കുന്നതിലും മലയാള ഭാഷയെ കൊഞ്ഞനം കുത്തുന്നതിലും മലയാള ഭാഷ പടിപ്പികാത്ത സ്കൂളുകളും ഉണ്ടാക്കുന്നതില്‍ വലിയ അത്ഭുതമെന്നും വേണ്ട.